2012/03/19

هم فين بقي بتوع الاستفتاء وعجلة التنمية

عدت سنة علي ذكري الاستفتاء الشهير ...
نعم  = استقرار  = العسكر يمشي يلا يا حبيبي قول نعم مش انت عاوز العسكر يمشي .. المعارضه ايوه يا ماما طيب يا حبيبي قول نعم
لا = فوضي = اااااااه دمار = منكوا لله عايزن تخربوا البلد

هشششششششت

بس خلوني اعرف اركز واقول كلمتين
في البداية حاولوا توسعوا دماغكوا معايا شويه وتتخيلوا اللي بكتبه علي انه سيناريو فديو مش كلام مكتوب ...

من سنه بالظبط كان في هنا استفتاء  في نفس ذات المنطقة اللي بتكلم منها دي وكان كمان ثمن الايفون 7000 جنيه - حسب الله ونعمل وكيل -  ماعلينا - قولنا نعم او قولنا لا ..  اي كان اللي قولناه ..  بس النتيجه واحده
" مزيد من تدخلات العسكر في الشارع المصري ومزيد من الشهداء او الموتي او الضحايا " لاني حتي دي العسكر عرفوا يشكوكوا فيها بقينا بأسم الدين بنقول ما حنا مش عارفين اللي كانوا راحين يشجعوا في بور سعيد دول كانوا نيتهم ايه وبعدين ما ممكن كانوا مش *** مش ايه يا عم قول لا  انتوا فاهمين النقط كويس ممكن يكونوا كانوا مش بيصلوا او مش مش مسلمين ازاي بقي نقول عليهم شهداء وبعدين الشهادة ليها حالات الشيخ مش عارف مين قالهم في قناة الرحمة  !!
ده بالظبط زي ما قناة النيل امبارح شعلت قراءن في وفاة البابا !!  حافظ مش فاهم

وسط كل ده هتلاقي برضه اللي هيجي ويقولي ياعم خلاص مش هتمسكوا علينا زلة يعني كنا فاهمين اني نعم هي اللي هتعمل استقرار ... بس لعلمك لا برضه كانت هتبهدل البلد اكتر من كده ..

 علي العموم اهي السنة خلصت طبقا ليوم الاستفتاء والمجلس ماسلمش ولسه ما عملش غير شويه اتفاقيات مع كتل سياسية نتج عنها مجلس شعب عقيم لا يستطيع غير الشجب والادانة و التكبير و تظغيط البط

التدوينة اللي جايه عن انتخابات الرئاسة حد حابب يقولي حاجه يخبط كومنت :)



هناك تعليق واحد:

  1. نعم ولاء نتجيتهم واحده
    لقد وقعنا ف الفخ يوم ما الناس مشيت 11 فبراير

    ردحذف

حدث خطأ في هذه الأداة