2010/03/05

اعلام مفبرك .. و ناس مخدوعه .. والشارع زي ما هو


كعادة الاعلام الغير مسئول في مصر .. وكعادة السياسيين اللي بيتقال عليهم مخدرمين مش بيهيصوا في الهيصه .. و كعادة الشارع المصري

قمت بجولات عديدة في العديد من المحافظات في سوهاج و قنا و الاقصر و اكتوبر و القاهره و الجيزه و المنيا في خلال الفتره السابقة واستغرقت الرحلة مده و استغرق عملي وقت طويل ولكن الحمد لله توصلت اخيرا لنتائج تلك الرحلة

قمت بعمل استبيان سريع كده حاجه بسيطه علي قدي و قمت بتوزيعها علي المواطنين في الشارع البعض كان يملئ الاستمرات والبعض الاخر كنت اتلقي منه الاجابات بطريقه حوار دردشه بيني وبينهم علي حسب

ووجدت للاسف الصدمه كالعاده الاعلام مكبر الموضوع و محسسنا اني الشعب المصري كله وراء التغيير و البرادعي و الحركات التغييريه للدستور و الجمعيه فيها طوابير و الجمعية فيها فراغ

لكن الحقيقه ان هناك 30 % فقط من عينة الاستبيان وهي عددها 50 استمارة موزعه علي تلك المحافظات علموا بوصول البرادعي الي مصر و انقسموا الي قسمين القسم الاولي يري ان نهاية البرادعي لو حب يلعب مع حسني مبارك هتبقي نهايته السجن النفي او التشويه او الفضيحه و ده بالفعل اللي اشار له جهاد عوده لما قال البرادعي مش بعيد عن الاعتقال


القسم الثاني يري ان الدكتور البرادعي ايه اللي يدخله في السياسية اصلا الراجل بتاع طاقه نووية و طول عمره عايش بره مصر ماله هو مال السياسة

لكن الغريب و الجدير بالذكر ان الدكتور البرادعي نقيب سابق للمحامين. تخرج في كلية الحقوقي يعني مش بتاع طاقه ذرية زي ما اتقال عنه و زي ما الناس فاهمه انه عالم في الطاقه النووية


الناس مش عارف التغيير يعني ايه .؟ قليل جدا اللي سمع بالبرادعي ووصوله الاعلام بيكبر الموضوعات بدرجه كبيره

الكلام ده كان المفروض اتكتب منذ وصول البرادعي لكن لحدوث بعض الاعطال اتأخرت شويه


هناك تعليق واحد:

  1. نزلت الصعيد عملت الاستبيان ده
    انا مش وصلنى حاجه
    على العموم شغل كويس يا صحفى المستقبل
    والاهم ما توصلت اليه من نتائج
    انزل بالجزء التانى بقى

    ردحذف

حدث خطأ في هذه الأداة